الحكاية كلها … نور

// فبراير 24th, 2009 // SLiDE, تصـاوير

مممم امكن كلام اليوم ناس كتير عارفينو

بس كـ فهم انا فهمتو قريب جداً بشكل نقدر نقول كامل .. = )

حكاية التعريض وما التعريض أو الـ Exposure اللي هوا كل ما نتكلم عن مصور ولا صورة لازم نسمع دي الكلمة ..

P.s
من اول انا اعرف اش يعني اكسبوجر بس انو اش يعني تعريض والله اول ما كنت افهم
الين جاني سيدي و حبيبي باهي مشاط وفهمني انو تعريض يعني تعريض السنسور للنور
وانا كنت احسبها انو تعريض من العرض يعني كدا نمطو بالعرض ولا شي زي كدا ^_^

فالفكرة انو اش يعني تعريض وكيف نقدر نحصل على تعريض مناسب لاي صورة نصورها .. ؟

طيب في البداية التعريض زي ما قلي باهي وقلتلكم انو هوا فترة تعريض السنسور ( الفلم زمان ) للضوء ..
وبناءً على عدة عوامل بتزيد نسبة التعريض او بتنقص ..

اش هيا دي العوامل .. ؟

بكل بساطة هيا تلات عوامل بتعمل التعريض .. اللي هيا

Digital Photography School

تلات عوامل اللي هيا ..

1. ISO .. و اللي هوا درجة حساسية السنسور للضوء ..
2. Shutter Speed .. سرعة الغالق .. واللي هوا المدة اللي رح تبقة العدسة مفتوحة فيها وبتسمح للنور انو يدخل
3. Aperture .. فتحة العدسة .. واللي هوا مقاس فتحة العدسة اللي بتحدد كمية النور الداخل للسنسور ,,

فبدي التلات عوامل احنا بنطلع صورة تعريضها مزبوط ..

نتخيلها كيف .. ؟

 

Exposure

By : Chris

نتخيل الكاميرا كانها شباك .. 
وليها ضرفات تفك و تنقفل .. ( اللي هيا الشتر – الغالق )

و انو مقاس الشباك هوا زي فتحة العدسة عندنا ..

وانك انتا واقف جوا الغرفة ومررره ضلمة جوا و لابس نضارة شمسية ( اللي هيا الآيزو ) <<كانو تخلف ضلمة ونضارة شمسية p=

فدحين في عدة طرق عشان تقدر تتحكم بالنور جوت دي الغرفة ..

فيا اما انك تسير تفتح الضرفات و تقفلها بشكل بطئ عشين يدخل نور زيادة او بشكل سريع عشين يدخل نور اقل

او انك تكبر مقاس الطاقة عشين يدخل نور كتير او تصغرها عشان يدخل نور اقل 

و النضارة في الاخير يا اما انك تلبس وحدة اغمق عشين يقل النور او تشيلها عشين يكتر النور 

فبكدا ..

سرعة فتحك و تقفيلك للطاقة رح يكون زي الشتر سبيد في كاميرتك

و مقاس الطاقة و كبرها ولا صغرها رح تكون زي مقاس فتحة العدسة عندك

والنضارة رح تكون زي الايزو لما تكون لابسها رح ايزو قليل ولما تشيلها رح يكون الايزو عالي عشين عينك تتحسس النور ..

 

فبدا المثلث احنا فهمنا كيف نزود او ننقص النور في صورتنا اللي نبغى نصورها ..
لكن في احيان كتير رح ننحكم بمقاسات معينة سواء للايزو او الشتر سبيد او فتحة العدسة .. لانو كدا بشكل سريع :
- لما تكبر فتحة العدسة رح يقل عمق الميدان ويسير جزء من الصورة بس في الفوكس و الباقي برا الفوكس ..
- العكس بالعكس لما نصغر فتحة العدسة رح يكتر عمق الميدان ورح تسير الصورة حادة اكتر  ..
هنا رح ننحكم بفتحة عدسة ثابتة ما نقدر نغيرها .. ^_^ 

- لما يكون في جسم سريع و محتاجين نجمد حركتو رح نحتاج شتر سبيد عالي ..
هنا رح ننحكم بشتر سبيد عالي غالباً ما نقدر نقللو .. ^_^ 

- ولما نرفع الآيزو فوق الـ 400 باغلب الكاميرات رح يعطينا تشويش في الصورة ..

وزي كدا امثلة كتير ..

انتو فكروا فيها منطقيا في كل حالة من الحالات اللي انا قلتها ..
وشوفو اش رح يكون الحل لو انحكمنا بتثبيت واحد من دول التلاتة بمقاس معين .. كيف رح نوازن النور حقنا .. ؟؟

 

 

عشين نوازن النور في الصورة لازم يكون مقياس النور في الناضور حق الكاميرا جاي على الصفر

عشين نوازن النور في الصورة لازم يكون مقياس النور في الناضور حق الكاميرا جاي على الصفر

 

اوكي كدا … ؟ ^_^

Unlike

8 Responses to “الحكاية كلها … نور”

  1. ohoud alhobani قال:
    25/02/2009 عند 13:53

    Like or Dislike : Thumb up 0 Thumb down 0

    يعطيك العافيو استاذ سليم انت وباهي.. شرح ممتاز ومفيد وبصورة واضحة بدون تعقيد.

    رد
    • Bn 6argoo3a قال:
      25/02/2009 عند 16:41

      Like or Dislike : Thumb up 0 Thumb down 0

      ابله عهوود ^_^

      اهلن اهلن منوّره .. = )

      خلاص ان شاء الله كل ما اكتب شي هنا اناديلك تجي تشوفي عشين نتعلم سوا مع البعض = )

      الله يديكي العافية

      رد
  2. Bn 6argoo3a قال:
    25/02/2009 عند 10:49

    Like or Dislike : Thumb up 0 Thumb down 0

    عبوودي

    طيب لا تحرمنا الطلة ^_^

    رد
  3. عبدالرحمن كمال قال:
    25/02/2009 عند 04:05

    Like or Dislike : Thumb up 0 Thumb down 0

    بنستفيد كتير منك ,, لا تحرمنا ,, شكراً =)

    رد
    • Bn 6argoo3a قال:
      25/02/2009 عند 10:15

      Like or Dislike : Thumb up 0 Thumb down 0

      سمعـ ه
      اش معنى اربعين .. ؟
      حسب سرعة الشتر يعني ولا كيف .. ؟

      foooz
      كول هوا انت .. p=

      ekleel 5anoum

      ههههههههههههههه لا بندي كورس و انا اول واحد بيستفيد
      يلا برافو عليكي اتاريكي ما نسيتي اللي اتعلمتيه ^_^

      رد
  4. Ekleel قال:
    25/02/2009 عند 03:38

    Like or Dislike : Thumb up 0 Thumb down 0

    في ناس بتاخد يا كورس جديد..! يا معلومات ببلاش..!
    بس يعطيك العافية ينفع تسير ابله.. اقصد استاز P:

    رد
  5. faiz shakalli قال:
    25/02/2009 عند 00:07

    Like or Dislike : Thumb up 0 Thumb down 0

    kelmeet ta3reee9′ bel feles6eenee ya3nee mmm lma y2oolo 3n wa7ed 3m ye3are9′ ya3nee 3m yekzeeb we yesta5ef be 38ool al naas

    رد
  6. esma3el قال:
    24/02/2009 عند 19:35

    Like or Dislike : Thumb up 0 Thumb down 0

    مومتااز جداً
    يعطيك أربعين عافية

    رد

Leave a Reply