6argoo3a

بـــ دايه ..!!

// يونيو 14th, 2007 // غير مصنف

Chapter 1

كل يوم هرج هرج هرج و كلام كتير بينقال … بس طول عمري اتعودت على شي واحد …

استخير وماعمري خبت …

تحكيم العقل و القلب في مسألة ما … هبة من ربنا لما يلهمنا الحق … ونعرف اقلها
نشيل الاحقاد …!!

بس بداية الامر او نهايتو …. ناس كتير بنقابلهم هنا او ع النت بشكل عام … ويبقو
اصحاب شبكه تنتهي صحبتهم لما نروح جمب الساعة تحت في التول بار و نعمل قطع الاتصال
…

Chapter 2

الدنيا قناع … ومؤمن تماما بكدا … الكل مو بس واحد .. !!

ومهما قابلنا من ناس … قليلين جدن هما اللي يقربو مننا و يشيلو قناعهم و نشوف
وجههم الاصلي ….

لكن الاغلب بيحب يعيش ورا دا القناع … !!

لكن اللي اخس من كدا …. لما واحد يوريك اش تحت قناعو و تتفاجأ انو برضو قناع …

Chapter 3

احيانن نغلط …

او دائمن نغلط … واحيانن نعمل صح .. !!

او بالاصح احيانن نعمل صح وهو غلط وبنحسب نفسنا عملنا صح ..

او الصح …. انو نشوف الغلط قدامنا ونقول عليه صح

او يمكن الغلط انو لما نشوف الصح نغطي عنو عيننا لـ كبرياء نفسنا !!

Chapter 4

بنقرا … ونقرا كلام في كتير اماكن … و نقرا كلام في الكتب … و نقرا كلام في
المنتدى هنا …

حتى بنضطر احيانن نقرا كلام زي اللي بكتبو انا دحين …

وبالنهاية كل الكلام اللي بنقراهـ ممكن يكون عن نفسنا …. بس بنسوي نفسنا ما ندري
!!

Chapter 5

توافه التفكير … تتولد عند الشخص لما يحس نفسو بلا فائدهـ … او عديم النفع …
!!

قد يكون هوا لدي الدرجة وصل … بس انقالت في وجهو بالصريح !!

هنا تبدا دوافع الغيرهـ و الحقد اللي بتولد توافه التفكير !!

Chapter 6

النهاية …. دائمن عكس ما بنتخيلها و دائمن غير ما نتمناها …

وان كان فهي مو بنفس الدرجة اللي احنا حلمنا بيها

بس بالاخر يضل اسمها ….. النهاية !!

——————— انتهى