لستة زواجات .. ^_^

// مارس 28th, 2009 // SLiDE, تصـاوير

.

.

.

.

قبل شهر تقريباً ..

كلمني ( عمار آل محمود ) – و هوا اخ بالنسبالي و يمكن والله أعز .. 
لانه من أكتر الناس اللي أحترمهم و أعزهم بطريقة مو طبيعية .. و أتشرف بمعرفتهم كتييييييير الشرف ..


 

 

 

 

 

 

يومتها لمن كلمني طارت وصلة من عقلي من كتر الفرح لمن كان بيخبرني انه ماشاء الله تبارك الله ربي تمم عليه و بيعزمني ع حفلة الملكة حقتو ( كتب الكتاب – عقد قران … الخ ) 
و طلب مني طلب انو ازا اقدر اجي و اجيب كمرتي عشين اصورلو الحفلة .. 

طبعن انا مررره ما صدقت نفسي ساعتها ومررره حسيت انه شرف كبير ليا بالاضافة إلى انها مهمة صعبة بالنسبالي لانو نادراً او امكن دي اول مره اصلن أصور بيها حفل مهم زي كدا = )

 طبعن من وقتها و من يومت ما كلمني وانا قعدت ازبط نفسي عشين ما الخبط فداكا اليوم .. 
و ما خليت شي يعتب عليا ..

xoxo

xoxo



طبعن كأول فكرة كانت إني رجعت لكتاب Scott Kelby الاخراني اللي هوا (  The Digital Photography Book : Vol.2 )
واللي فيلو شابتر كامل عن دا الموضوع … .

طبعن استفدت منو بشكل اساسي الشي الكتير ^_^

بس كان بيقول نقطة انو .. ” فزي كدا حالات للتصوير و اللي هيا عادتن بتكون اغلب لحظاتها سواني .. فالافضل اننا نجهز لستة بالصور اللي نبا نصورها عشين نوفر الوقت هناك .. “

وطبعن هوا قال انو في لستات جاهزة موجودة ع النت خاصة بتصوير الزواجات بشكل خاص ..

ouch *_*

ouch *_*



فانا بس قلت هيا دي و قعدت ادعبس في النت لمن طلعت عيوني وانا بشوف لستات مررره رهيبة و حلوة .. و فعلن كلها مفيدة

حتى لقيت دي اللستة .. اللي هيا ..

A List of 50 must have wedding photos

يعني باللهي اش اخطر من كدا .. ؟ 


50 فكرة لـ 50 صورة اتوقع انها كانت تكون كافية بالنسبة لاي واحد رايح يصور …
بس للاسف .. لمن اخدت فكرة عن الموضوع  لقيت انو تلات ارباع دي اللستة ما ينفع فحفلاتنا احنا و زي كدا ^_^
خصوصي حكاية رقم ( 23 ) ما نهضمت معايا p= 

طبعن داكا اليوم ان شاء الله اني اكون عملت شي كويس … 

بس المهم اللي وصلتلو انو لازم ازبطلي لستة تفيدني و تفيد اي احد ينحط فموقف و حابب يطلع بصور حلوة فحفلة زواج ولا ملكة ولا شي زي كدا 

الفكرة انو ما نبغى نقدم صور بصراحة كدا من زي حقت اللي في ليالينا و لا اللي نص مشاغل الافراح بيسووها لانو بصراحة ياما شفت و ياما حسيت انها ناقصة و بدها فكرة الابداع شوية كمن تكّه .. 

و بنفس الوقت نبغى نوصل للستة تناسب جو حفلاتنا بعاداتنا و تقاليدنا = ) 

فكل مين يمر من هنا يجي يحط افكار لصور ممكن اننا نتعلم منها او يتعلم من اللي محطوط ويسير اقعد اعمل ابديت لدا الموضوع قد ما اقدر و نزبطو ونحطو فبلوق جديد يستفيد منو اي حدن حابب انو يصور زي كدا 


UPDATE

مررره احب اشكر اخويا محمود اكرم اللي ماشاء الله عليه بدي يزبط الامور تمام ميه ميه ..
واتحفنا بشوية افكار يوم تصوير الزواجات منها ..
طبعا كملاحظة انو مرره نفسي نطلع شويا عن الصور التقليدية العادية …
فخلينا كمان نحاول نطلع افكار لصور مجهزة مسبقاً مع الاتفاق مع العريس ..
كمان بنفس الوقت صور لو كانت بنت بتصور فحفلة الحريم او بتصور العروسة ..

فدي بداية اللستة ^_^ 

صور خاصة بتجهيزات الحفلة ^_^

عربية الملكة
علبة الملكة
سيارة العريس واقفه
سيارة العريس لمن يوصل
بورتريهات للحضور
الفرقة اللي جات  
الاتاريك و المعاشر و دي الحبشتكات  

و صور خاصة بالأهل

العريس مع اخوانه 
العريس مع ابوه أو اخوه الكبير 
العريس مع ابو العروسه او …. العروسه ….(:
العريس مع اخوان العروسه واقاربها
العريس مع جدو وسيدو

صور في نص الحفل 

العريس مع المعازيم
العريس وقت الرقص
لأهل العريس وقت الرقص
مثلا ( لو رقص العريس مع الوالد او احد الاخوان او ابو العروسه …..الخ )

صور للملكة ( عقد القران ) ..

المملك وهو يكتب العقد
العريس وهو يوقع عقد القرآن
أبو العروسه وهو يوقع العقد

 

تمام كدا ^_^ .. ؟

.

.


Unlike

6 Responses to “لستة زواجات .. ^_^”

  1. Extra Pink قال:
    08/04/2009 عند 20:42

    Like or Dislike : Thumb up 1 Thumb down 0

    وااااااو عن جد انا اتحمست معاك نفسي احد يطلبني بفرح او شبكه
    بس يبغو مصوره بـخمسه آلاف عشان يحسو انهم اتصورو خخخخخخخ
    :)

    والله انا زيك لما باتفرج ع الصور اللي بالفرح او الشبكه
    احسها كلها مقلده وكلها نفس الافكار
    بس انا مافبالي افكار لانو مااتوقع احد يطلبني
    :)
    بس ممكن حفلات نجاح او اعياد ميلاد او حفلات اطفال انا مستعده خاصة انو الاطفال أي حركه سهل يعملوها
    امممما افراح لسا ماوصلت احسها تخوف التجربه (بالنسبه ليا)
    :)

    رد
  2. MaaK قال:
    30/03/2009 عند 20:52

    Like or Dislike : Thumb up 0 Thumb down 0

    قبل ما تبدأ ترى انا اي فكرة جاتني كتبتها

    حلوه مو حلوه..
    تنفع ما تنفع ..
    المهم كتبتها
    وانت عليك الفلتره …..اوكي

    عربية الملكة
    علبة الملكة
    سيارة العريس واقفه
    سيارة العريس وهو واصل
    العريس مع اخوانه
    العريس مع ابوه أو اخوه الكبير
    العريس مع ابو العروسه او …. العروسه ….(:
    العريس مع اخوان العروسع واقاربها
    العريس مع اصحابه
    جزمة العريس …………..( امزح طبعا )
    العريس مع جدو وسيدو …. تكون برضوا صورة حلوه معاهم
    صور للحضور
    الفرقة الي جات
    صورة للاتاريك والمعاشر والحركات
    العريس وقت الرقص
    كم صورة لأهل العريس وقت الرقص
    مثلا ( لو رقص العريس مع الوالد او احد الاخوان او ابو العروسه …..الخ )
    ولو كان في عقد قرآن :
    صورة المملك وهو يكتب العقد
    صورة العريس وهو يوقع عقد القرآن
    صورة أبو العروسه وهو يوقع العقد
    العريس لمن يسلم على المعازيم بعد عقد القرآن

    وفي لحظات كده تحس العريس جالس يفكر ومسرح …( هادي اللحظات احسها حلوه )
    انت ما تدري بالضبط في ايش يفكر هو بفكر في العروسه ولا يقول ياريتني ما ازوجت
    ولا انو جيعان او عطشان او مفجوع او مو مصدق ولا ……… يعني تدي معاني كتير …….
    لمن ازوج ان شاء الله …اقلكم ايش كانت تنعي (:

    تحياتي
    محمود أكرم

    رد
    • Bn 6argoo3a قال:
      31/03/2009 عند 09:52

      Like or Dislike : Thumb up 0 Thumb down 0

      يا عيني يا عيني ..
      والله والنعم بيك سيدي محمود

      محسسني انك جسيس زواجات .. اش الخبرة القوية دي p=

      مررررررره عجبتني تجميعتك والله ^_^

      رح نضيفها ع البلوق و اشوف انا شو ممكن اضيف برضو

      رد
  3. 9blo0o05 قال:
    28/03/2009 عند 23:15

    Like or Dislike : Thumb up 0 Thumb down 0

    ِana a7ob a9awer((2mp)) bel party w el 7aflat
    el ppl =D
    homa a7la she t3aberhon bel 7aflat tkon fallah
    =D
    9aroA List of 51

    رد
  4. Sonic Boom قال:
    28/03/2009 عند 20:11

    Like or Dislike : Thumb up 0 Thumb down 0

    yabo,howa al zowaj mixed?

    رد

Leave a Reply